Une chanson française du XVIe siècle

Je vous propose nous éloigner quelque peu de l'univers baroque pour s'intéresser à la musique de la Renaissance, grâce à une chanson française de Pierre Sandrin publiée en 1550 par Pierre Attaingnant (1494-1552), imprimeur du roi, spécialisé dans l'édition de la musique qui publia notamment les compositeurs au service du souverain ou ceux de la Sainte Chapelle. Puisque vivre en servitude est interprétée par Anne Quentin et l'ensemble Doulce Mémoire.

Puisque vivre en servitude
Le devoye triste & dolent,
Bien heureux ie me repute
D'estre en lieu si excellent
Mon mal est bien violent,
Mais amour l'ordonne ainsi,
Vueillez en avoir merci.

Vostre beauté sans pareille
Ne doit prendre à déplaisir,
S'a l'aimer ie m'appareille,
Car on ne peult mieux choisir :
Si i'ay par trop de desir,
I'ay beaucoup de foy aussi,
Vueillez en avoir merci.

Autre bien ne veux pretendre
Pour mes plaintes & clameurs,
Sinon que vueillez entendre
Que c'est pour vous que ie meurs :
En mes yeux n'ha plus de pleurs,
Et mon coeur est ia transsi,
Vueillez en avoir merci.

Vous seulle estes ma fortune,
Qui va mon bien mesurant,
Si vous m'estes opportune,
Peu me chaut du demourant :
Sans vous ie vi en mourant,
Et m'est le iour obscurci,
Vueillez en avoir merci.

Au coeur des bestes sauvages
Rigueur loge proprement :
Mais sur les humains ouvrages
Amour ha commandement :
Et toutesfois en tourment
Me tient le vostre endurci,
Vueillez en avoir merci.

Ce vous est peu de conqueste
D'aller ma fin poursuyvant,
Bien vous seroit plus honneste
Sauver le vostre servant :
Un qui pourroit en vivant
Vostre nom rendre esclarci,
Vueillez en avoir merci.

Evaristo Baschenis (1617-1677)

Nature morte avec instruments de musique

1650

Bergame, Academia Carrara.